Lëtzebuergesch am Alldag - Schwätzen, verbesseren an uwenden

C'est du sérieux

An dësem praktesch orientéierte Cours stinn d’Schwätzen an d’Uwendung vum Lëtzebuergeschen am Alldag am Mëttelpunkt. Mir üben zesummen alldeeglech Gespréicher, kuerz Messagen an typesch Situatiounen, fir d'Sprooch direkt an der Praxis ze benotzen. Mir léieren, wéi ee sech beim Akafe verständegt, Informatioune freet oder administrativ Demarchë mécht. Mir üben och konkret Situatiounen, wéi zum Beispill beim Guichet Renseignement vun der CFL, beim LCTO oder iwwer Guichet.lu. Eng Visitt duerch d'Stad erméiglecht et eis, dat Geléiert direkt an der Realitéit unzewenden. Mir üben och, e Restaurant unzeruffen, en Dësch ze reservéieren an eis op Lëtzebuergesch ze verständegen. Wa méiglech, kënne mir d’Léiere bei engem gemeinsamen Iessen nach méi praktesch maachen. Zum Schluss erstelle mir zesummen e praktesche Guide mat nëtzleche Sätz, Ausdréck an Informatiounen, deen och no der Formatioun am Alldag benotzt ka ginn. D’Zil ass et, méi Sécherheet a Selbstvertrauen beim Schwätzen ze kréien an d’Lëtzebuergescht aktiv an alldeegleche Situatiounen unzewenden.